| ITI əməkdaşlarının elmi işləri - tezis |
| Biblioqrafik təsvir | |
| Verdiyeva , N.N. Sənaye 4.0 həllinin vətəndaş elmi ilə təhsilin qarşılıqlı əlaqəsinə təsiri haqqında / N.N. Verdiyeva // Təhsildə rəqəmsallaşdırma: elektron təhsil və informasiya cəmiyyəti. - Naxçıvan, 2021. - S. 162-165. | |
| Annotasiya | |
| Son bir neçə onillik ərzində informasiya texnologiyaları sahəsindəki sürətli inkişaf, internet şəbəkəsinin yaratdığı geniş imkanlar, mobil texnologiyalar, smartfonlar, planşetlər, eləcə də Sənaye 4.0 konsepsiyası elektron elmin yeni bir istiqaməti olan vətəndaş elminin formalaşmasında mühüm rol oynamışdır. Vətəndaş elmində iştirak edən könüllülər geniş məkan və zaman hüdudlarında böyük həcmdə verilənlər toplamaqla yanaşı, həm də təlim və elmi tədqiqat prosesində bilavasitə iştirak edirlər. Beləliklə, elmi tədqiqatlarda ictimai iştirakı təmin etməyə yönələn vətəndaş elmi cəmiyyət, elm və təhsil arasındakı qarşılıqlı fəaliyyəti gücləndirir. Məqalə Sənaye 4.0 həllərinin vətəndaş elmi ilə təhsilin qarşılıqlı əlaqəsinə təsiri haqqındadır. Vətəndaş elmi ictimaiyyətin elmi tədqiqatlarda iştirakının yeni forması olsa da, onun təhsil mühitində böyük potensialı və innovativ tədris aləti kimi geniş imkanları vardır. Vətəndaş elminin təhsil mühitinə inteqrasiyası müasir tədris texnologiyaları sahəsində yeni nailiyyətlərə gətirib çıxarır, bilik və maarifləndirilmə səviyyəsini artırır, təfəkkür qabiliyyətini təkmilləşdirir, könüllü iştirakçıların birgə fəaliyyət və əməkdaşlıq bacarıqlarını inkişaf etdirir. Məqalədə vətəndaş elmi layihələrinin xarakterik xüsusiyyətləri tədqiq olunmuş, layihələrdə könüllülük prinsipi və onun verdiyi üstünlüklər qeyd edilmişdir. Vətəndaş elminin təhsillə qarşılıqlı əlaqəsi araşdırılmışdır. Vətəndaş elmi ilə təhsilin inteqrasiyasının konseptual məsələlərinə baxılmışdır. Sənaye 4.0 həllərinin vətəndaş elmi ilə təhsilin qarşılıqlı əlaqəsində rolu göstərilmişdir. Vətəndaş elmində istifadə olunan qabaqcıl Sənaye 4.0 həllərinin gələcəkdə təhsildə tətbiqi imkanları nəzərdən keçirilmiş və müvafiq tövsiyyələr verilmişdir. | |
| Elektron variant | |
| Yoxdur |
________
© ict.az http://ict.az/az