Menyu
ITI
əməkdaslarının elmi isləri
Elektron kitabxana
Konfranslar İnformasiya Sistemi
Qəzetlər
UOT 004
|
ITI əməkdaşlarının elmi işləri - məqalə |
Biblioqrafik təsvir | Ələkbərov , R.Q. Ətraf mühitin akustik küy çirklənməsi: problemlər və həllər / R.Q. Ələkbərov , B.S. Ağayev // İnformasiya Cəmiyyəti Problemləri. - 2020. - N: 1. - S. 26–37. | Annotasiya | Məqalə ətraf mühitin akustik küy çirklənməsi problemlərinə və həlli yollarının araşdırılmasına
həsr edilmişdir. Bu problemlərin həllinin aktuallığı və qlobal əhəmiyyəti BMT-nin dünyanın
gələcək dayanıqlı inkişafı və ekoloji problemlərin həllinə aid “Dayanıqlı inkişaf konsepsiyası”-na
və digər nüfuzlu təşkilatların hesabatlarına istinad edilərək əsaslandırılır. Xüsusilə, akustik küy
çirklənməsinin ətraf mühit və insan sağlamlığı üçün yaratdığı potensial təhlükələrin şərhinə xüsusi
diqqət yetirilir. Akustik küyün təhlükəsizlik amilinə əsaslanan təsnifatı təklif edilmişdir. Küyün
fiziki mahiyyəti, insan sağlamlığı üçün yaratdığı potensial təhlükələr, küy parametrlərinin
normalaşdırılması problemləri və normaları, küylə bağlı münasibətləri tənzimləyən beynəlxalq,
regional və milli qanunvericilik aktlarının əsas müddəalarının müqayisəli təhlilinin qısa şərhi
verilmiş, küy monitorinqi prosesi, küy parametrlərinin ölçülməsi və hesablanması texnikası,
monitorinq nəticələrindən istifadə etməklə ərazinin küy xəritələrinin tərtib edilməsi metodikası
araşdırılmışdır. Respublikamızın ekoloji hüquq sferasında akustik küyün idarə edilməsi
məsələlərinə aid qanunvericilik bazasının formalaşdırılması aktuallığı əsaslandırılır. Bakı
şəhərinin bəzi obyektlərində küy çirklənməsi vəziyyətinin müəyyənləşdirilməsi istiqamətində
aparılmış ilkin monitorinqin nəticələri haqqında qısa məlumat verilir. Bu məqsədlə monitorinq
sistemlərinin IoT texnologiyaları bazasında yaradılmasının daha məqsədəuyğun olması
əsaslandırılmışdır.
Məqalənin hazırlanmasında mövzu üzrə problemlərin və onların həll yollarının elmi analizi,
nəticələrin ümumiləşdirilməsi (sintezi) və sistemli yanaşma metod və metodologiyalarından
istifadə edilmişdir.
Tədqiqat nəticələrindən diskomfort küy zonalarının aşkarlanması məqsədilə akustik küy
monitorinqinin aparılmasında, monitorinq nəticələrinə əsasən ərazinin küy xəritələrinin tərtib
edilməsində, ətrafın küy çirklənməsinin azaldılması üçün müvafiq mühafizə tədbirlərinin həyata
keçirilməsi işində istifadə etmək olar. | Elektron variant | Elektron variant |
|
________
© ict.az http://ict.az/az
|
|