| ITI əməkdaşlarının elmi işləri - kitab |
| Biblioqrafik təsvir | |
| Məmmədova , M.H. Qarabağ və Şərqi Zəngəzurun demoqrafik profili. / M.H. Məmmədova . - Bakı : İnformasiya Texnologiyaları, 2025. - 452 s. - ISBN 978-9952-530-30-8 | |
| Annotasiya | |
| Monoqrafiyada informasiya-kommunikasiya texnologiyalarının tətbiqi ilə statistik, inzibati, elmi və açıq rəsmi informasiya mənbələri əsasında Qarabağ və Şərqi Zəngəzur iqtisadi rayonlarında tarixən yaşamış əzəli əhalinin kompleks demoqrafik analizi aparılmışdır. 30 il davam edən Ermənistan-Azərbaycan münaqişəsi dövründə baş vermiş insan itkilərinin miqyası, səbəbləri və demoqrafik fəsadları araşdırılmış, məcburi kütləvi miqrasiyaya məruz qalmış populyasiyanın demoqrafik dinamikasında baş vermiş meyillər və mövcud vəziyyət müəyyənləşdirilmiş, demoqrafik fəsadların ölkənin ümumi əhalisinə təsirləri və xarakteri tədqiq edilmişdir. Bu konteksdə hərbi qarşıdurmalarda demoqrafik amilin əhəmiyyəti və fəsadları təhlil olunmuş, müharibələrin demoqrafik aspektlərinin tədqiqinə dair beynəlxalq təcrübə və elmi- metodoloji yanaşmalar araşdırılmış, müasir çağırışlar fonunda demoqrafik potensialın hər bir ölkənin milli təhlükəsizlik sistemində rolu, demoqrafik faktorla ölkənin milli təhlükəsizliyinin əsas komponentləri arasında qarşılıqlı əlaqə və asılılıq nəzərdən keçirilmiş, demoqrafik təhlükəsizliyin xüsusiyyətləri nəzərə alınaraq milli təhlükəsizlik sisteminin müasir çağırışlara uyğunlaşdırılmış struktur sxemi təklif edilmişdir. Tarixi nöqteyi-nəzərdən Qarabağ əhalisinin təbii etnodemoqrafik dinamikasının transformasiyasını şərtləndirən səbəb-nəticə əlaqələri və süni etnodemoqrafik profilinin formalaşmasına təsir edən amillər təhlil olunmuş, iki əsr ərzində bölgənin erməni və azərbaycanlı əhalisinin sayının dəyişmə tendensiyalarını əks etdirən tarixi zaman sırasının vizuallaşdırması üçün metodiki yanaşma təklif edilmiş, vahid beynəlxalq statistik verilənlər bazaları əsasında Azərbaycan və Ermənistan əhalisinin müasir demoqrafik vəziyyətinin qiymətləndirilməsi və müqayisəli təhlili aparılmışdır. Qarabağ münaqişəsinin demoqrafik fəsadları, o cümlədən kütləvi miqrasiya və müvəqqəti məskunlaşma problemləri nəzərdən keçirilmiş, ən faciəli demoqrafik nəticə olan insan itkiləri tədqiqatda qəbul edilmiş beş mərhələli xronoloji çərçivə üzrə sistemləşdirilmiş, münaqişənin aktiv və passiv fazalarını əhatə edən zaman intervalları üzrə analiz olunmuşdur. Qarabağ və Şərqi Zəngəzurun əzəli əhalisinin demoqrafik və tibbi-demoqrafik hadisələr və onların proyeksiyaları üzrə 30 illik dinamikasının müfəssəl təhlili aparılmış, mövcud demoqrafik situasiya qiymətləndirilmişdir. Monoqrafiya ölkənin, o cümlədən Qarabağ və Şərqi Zəngəzurun sosial-iqtisadi inkişafının demoqrafik aspektlərinə dair elmi əsaslandırılmış məlumatların əldə edilməsində maraqlı olan dövlət qurumlarının mütəxəssisləri, elmi işçilər, ali təhsil müəssisələrinin müəllim və tələbələri, eləcə də geniş oxucu kütləsi üçün nəzərdə tutulmuşdur. | |
| Elektron variant | |
| Yoxdur |
________
© ict.az http://ict.az/az